Nach einem baubedingten Unterbruch von 3 Jahren erfreute die Trachtengruppe Muttenz die Bewohnerinnen und Bewohner des APH zum Park erstmals wieder mit ihrem Maitanzprogramm.

Aufgelockert wurden die Tanzvorführungen mit zum Teil selbst verfassten Gedichten von Vreni Hungerbühler. So zum Beispiel zum Auftrittsort passend:

So isch s Alter:

Der Huushalt bsorge
D Blume pfläge
Dr Ychauf us em Dorf heiträge
E Schwätzli halte
D Zyt vergässe
Zum z`Vieri e feins Stück Chueche ässe
Mit em Car e Usflug bueche
Gueti Fründ im Bärnbiet bsueche
Hobby pfläge, Grosschind hüete
Das isch s Läbe vo de Pensionierte

Doch plötzlig cha der Blitz ischloh
Du chasch uf eimol nümme stoh
Dy Chraft die schwindet
Der Chopf macht nümme mit
Du chasch dy nit wehre
Es goht schlächter Schritt für Schritt
Jetz bruchsch Hilf vo der Spitex und de Chind
Und alli dyni Plän verfliege im Wind
Gisch dyni Sälbständigkeit uf
Du muesch ins Pflägeheim
Alles was du gärn gha hesch
Lohsch hinter dyr, deheim
Das isch im Läbe sicher der schwerschti Schritt
Zu Glück nimmsch d Liebi und Fürsorg vo dyne Aghörige mit

Mir Trachtelüt wünsche euch e gueti Pfläg
und mögligscht vill Abwächslig in eure lange Täg.
Geduld und Gelasseheit möge euch begleite
Und mir wei jetz mit euse Tänz e chli Freud bereite.

Bevor es zum offerierten Apéro ging wurde zum Abschluss, vom Publikum kräftig unterstützt, das Baselbieterlied gesungen.

Bilder: Markus Buchs APH zum Park und Susi Gasse